भारतीय पर्यटकको लहरले पोखरा भरिभराउ, अफसिजनमै ९० प्रतिशत होटल अकुपेन्सी [भिडियो]

पोखरा । भारतीय पर्यटकको उल्लेख्य आगमनसँगै पर्यटकीय राजधानी पोखरा यतिबेला भरिभराउ बनेको छ। वर्षायामलाई पर्यटन ‘अफसिजन’ मानिने भए पनि यस वर्ष लेकसाइडदेखि अन्नपूर्ण पदमार्ग र मुक्तिनाथसम्म भारतीय पर्यटकको चहलपहलले पर्यटन व्यवसायमा नयाँ उत्साह थपेको छ।

फेवातालमा दैनिक पाँचदेखि सात हजारसम्म पर्यटकले डुङ्गा सयर गरिरहेको फेवा डुङ्गा व्यवसायी समितिले जनाएको छ। लेकसाइड क्षेत्रमा पर्यटकको बाक्लो उपस्थितिका कारण डुङ्गा व्यवसाय, होटल, रेष्टुराँ तथा अन्य पर्यटन व्यवसाय चलायमान बनेका छन्। अन्नपूर्ण आधार शिविर (एबीसी), मर्दी हिमाल र उपल्लो मुस्ताङलगायतका पदमार्गमा पनि भारतीय पर्यटकको उल्लेख्य उपस्थिति देखिएको छ।