घले हार्भेस्टिङले चुम्यो कालिका कपको उपाधि

बागलुङ । कालिका कप २०८२ को उपाधि घले हार्भेस्टिङ अस्ट्रेलियाले जितेको छ । चैत्राष्टमी मेला २०८२ को सन्दर्भमा आयोजना गरिएको खुला पुरुष भलिबलको उपाधि भिडन्तमा सिद्धार्थ चस्मा घर बागलुङलाई पराजित गर्दै घले हार्भेस्टिङले उपाधि चुमेको हो ।

नेपाल पुसिल क्लब र कोसी प्रदेश भलिबल टिमका खेलाडी सम्मिलित घले हार्भेस्टिङले गण्डकी प्रदेश भलिबल टिम समावेश सिद्धार्थ चस्मा घरलाई ३–२ को रोचक प्रतिस्पर्धामा हराएको हो । घले हार्भेस्टिङलाई उपाधि दिलाउनका लागि पहल गहतराजले नायकको भूमिका खेले । नेपाल पुलिस क्लबबाट व्यावसायिक भलिबल खेल्दै आएका गहतराजलाई रोक्न नसक्दा सिद्धार्थ चस्मा घर उपविजेतामा सीमित हुन पुग्यो ।