लुम्बिनी प्रदेशमा तथ्याङ्क व्यवस्थापन सूचना प्रणाली शुभारम्भ

बुटवल । लुम्बिनी प्रदेश सरकारलाई ‘प्रदेश तथ्याङ्क व्यवस्थापन सूचना प्रणाली’ हस्तान्तरण गरिएको छ। प्रदेश योजना आयोगको तर्फबाट उक्त प्रणाली मुख्यमन्त्री चेतनारायण आचार्यलाई हस्तान्तरण गरिएको हो । साथै मुख्यमन्त्री आचार्यले सोमवार सो प्रणालीको औपचारिक शुभारम्भ गरेका छन् ।

कार्यक्रमलाई सम्बोधन गर्दै मुख्यमन्त्री आचार्यले प्रमाणमा आधारित निर्णय प्रक्रियालाई प्रभावकारी बनाउन तथ्याङ्क व्यवस्थापन सूचना प्रणालीले महत्त्वपूर्ण योगदान पुर्‍याउने विश्वास व्यक्त गरे । तीन तहका सरकारले सम्पादन गरेका कामबारे नागरिक सुसूचित हुन पाउनुपर्ने मान्यताका आधारमा प्रदेश सरकारले पारदर्शिता अभिवृद्धिका लागि विभिन्न उपाय अवलम्बन गरिरहेको उनले बताए ।