प्रचार मुख्यमन्त्रीको, बने प्रस्तावक !

सुर्खेत । प्रदेशसभा र प्रतिनिधिसभाको चुनाव नजिकिएको समयदेखि नै कर्णाली प्रदेशको मुख्यमन्त्री बन्ने चर्चामा थिए– राजीवविक्रम शाह र विनोद कुमार शाह ।

यी दुवै जना मंसिर ४ मा सम्पन्न निर्वाचनमा विजयी समेत भए । नेपाली कांग्रेसका केन्द्रीय सदस्यसमेत रहेका राजीव जाजरकोट (ख) र नेकपा एमालेका प्रदेश अध्यक्षसमेत रहेका विनोद दैलेख क्षेत्र नम्बर २ (ख) बाट निर्वाचित भए । कांग्रेसबाट बहालवाला मुख्यमन्त्री जीवनबहादुर शाहीले आफू नै मुख्यमन्त्रीमा ‘कन्टिन्यू’ हुने बताइरहँदा २८ मंसिरमा राजीवबिक्रमले सामाजिक सञ्चालमा कुनै पनि हालतमा दलको नेतामा आफ्नो दाबी रहने बताए । शाहको दाबीलाई धेरैले स्वाभाविक रुपमा पनि लिए ।