केएल राहुलको अर्धशतकमा भारत विजयी, सिरिजमा अपराजित अग्रता

नयाँ दिल्ली । कोलकाताको इडेन गार्डेनमा भएको दोस्रो एकदिवसीय खेलमा भारतले श्रीलंकालाई ४ विकेटले पराजित गरेको छ । भारतलाई जितका लागि २१६ रनको लक्ष्य थियो, जुन उसले ४३.२ ओभरमा ६ विकेट गुमाएर पुरा गरेको थियो । भारतका लागि केएल राहुलले अविजित ६४ रनको इनिङ्स खेले । राहुलका अलावा हार्दिक पाण्ड्याले ३६ रनको इनिङ खेले ।

दुवैले पाँचौं विकेटका लागि ७५ रनको साझेदारी गर्दै टीम इन्डियाको जितमा महत्वपूर्ण भूमिका खेलेका थिए । कुनै बेला ८६ रनको स्कोरमा ४ विकेट गुमाएपछि भारतीय टोली संघर्ष गरिरहेको थियो । यो जितसँगै भारतले ३ खेलको शृङ्खलामा २–० को अग्रता लिएको छ । श्रीलंकाका लाहिरु कुमारा र करुणारत्नेले २–२ विकेट लिए ।