नेपालसँगै विदेशमा एकसाथ रिलिज हुँदै महाजात्रा

काठमाडौं । पछिल्लो समय नेपाली चलचित्र पनि नेपालसँगै बिदेशमा समेत रिलिज हुन थालेका छन् । यसैक्रममा चलचित्र महाजात्राको पनि नेपालसँगै सोही मितिमा बिदेशमा रिलिज हुने घोषणा यसको निर्माण पक्षले गरेको छ ।

षट्कोण आर्टसले निर्माण गरेको जात्रा चलचित्रको तेस्रो भाग महाजात्रा नेपाल र भारत बाहेकको प्रदर्शन र वितरणको अधिकार एमएसएम इन्टरटेन्मेन्टस्ले लिएको र सो कम्पनीले बिदेशमा पनि सोही मितिमा रिलिज गर्न लागेको यसका निर्देशक प्रदीप भट्टराईले जनाएका छन् । यो चलचित्रलाई आगामी ९ चैतबाट काठमाडौंसँगै संयुक्त राज्य अमेरिका, क्यानाडा, अष्ट्रेलियालगायतका देशमा रिलिज गर्न लागिएको हो ।