चार्जिङका बेला मोबाइल चलाउनुहुन्छ ? यस्ता छन् सम्भावित जोखिम

काठमाडौं । मोबाइल फोन आधुनिक जीवनको अभिन्न हिस्सा बनिसकेको छ । सञ्चार, सूचना आदानप्रदान, अध्ययन, व्यवसाय तथा मनोरञ्जनका लागि दैनिक रूपमा प्रयोग हुने मोबाइलले मानिसहरूको जीवनशैलीलाई सहज बनाएको छ । तर यसको प्रयोगका क्रममा अपनाइने केही गलत बानीले उपकरण र प्रयोगकर्ता दुवैलाई जोखिममा पार्न सक्ने विज्ञहरूले बताएका छन् ।

प्रविधि विज्ञहरूका अनुसार मोबाइल फोन चार्ज भइरहेका बेला निरन्तर प्रयोग गर्नु सुरक्षित मानिँदैन । चार्जिङसँगै गेम खेल्ने, भिडियो हेर्ने, सामाजिक सञ्जाल चलाउने वा लामो समयसम्म फोनमा कुरा गर्ने जस्ता गतिविधिले ब्याट्रीमा अतिरिक्त दबाब सिर्जना गर्न सक्छ ।