सूचनाको हक हरेक क्षेत्र र निकायले कार्यान्वयन गर्नुपर्छः  प्रमुख सूचना आयुक्त गुरुङ

राष्ट्रिय सूचना आयोगका प्रमुख आयुक्त महेन्द्रमान गुरुङले सूचनाको हक हरेक क्षेत्र तथा निकायले कार्यान्वयन गर्नुपर्ने बताउनुभएको छ ।

आयोगले आज तुलसीपुर उपमहानगरपालिकामा आयोजना गरेको सूचनाको हकसम्बन्धी अन्तरक्रियामा उहाँले हरेक तीन÷तीन महिनामा आफूले गरेका कामकारबाही सार्वजनिक र कुनै पनि नागरिकले माग गरेका सूचना सहज रूपमा उपलब्ध गराउने हो भने सूचनाको हक स्वतः कार्यान्वयन हुने बताउनुभयो । प्रमुख सूचना आयुक्त गुरुङले सरकारी तथा गैरसरकारी संघसंस्थालाई सूचना अधिकारी अनिवार्य तोक्न आदेश दिइसकेकाले त्यसको पालना गर्न आग्रह गर्नुभयो ।