क्रिकेटमा ‘फिक्सिङ’ भएको आशङ्कामा सिआईबीले थाल्यो अनुसन्धान

काठमाडौँ । नेपाल टी–ट्वान्टी लिग क्रिकेटमा म्याच फिक्सिङ भएको आशङ्कामा प्रहरीको केन्द्रीय अनुसन्धान ब्यूरोले अनुसन्धान थालेको छ । फिक्सिङ भएको सूचनाको आधारमा अनुसन्धान सुरु गरिएको केन्द्रीय अनुसन्धान ब्यूरोका एआईजी उत्तमराज सुवेदीले रातोपाटीलाई बताए ।

नेपाल टी–ट्वान्टी लिगका कमेन्टेटर सचिन तिमिल्सेनाले क्रिकेटमा फिक्सिङ भएको आरोप लगाएका छन् । सामाजिक सञ्जालमा भिडियो पोष्ट गरेर उनले भनेका छन्–‘लिगमा हुने फिक्सिङले नतिजामा असर नपर्ने भए पनि खेलको बीचमा हुने क्रियाकलापमा असर पर्ने गरी फिक्सिङ भइरहेको छ ।’