सरकार परिवर्तनबारे गण्डकीमा ‘तैं चुप, मै चुप’

पूर्व सहमतिअनुसार गण्डकीमा साउनमा सरकार परिवर्तन गर्नुपर्नेछ। कांग्रेस–एमाले गठबन्धन बनेपछि गण्डकीमा पहिलो कार्यकाल वर्तमान मुख्यमन्त्री सुरेन्द्रराज पाण्डे र दोस्रो कार्यकाल खगराज अधिकारी मुख्यमन्त्री बन्ने सहमति भएको थियो। सो सहमतिअनुसार पाण्डे हाल मुख्यमन्त्री छन् भने आगामी साउनमा अधिकारी मुख्यमन्त्री बन्नुपर्ने हो।

तर गण्डकीमा सो सहमतिअनुसार सरकार फेरबदल हुने कुनै गुञ्जायस देखिएको छैन। किनकि गण्डकीमा एमालेबाहेक पनि कांग्रेसले बहुमत पुर्‍याउन सक्ने अंकगणित छ। गण्डकी प्रदेश सभामा कांग्रेसका २८, एमालेका २२, नेकपाका ७, राप्रपाका २ र प्रलोपाका १ सांसद छन्। सोअनुसार एमालेले सहमतिअनुसार सरकारको नेतृत्व मागेमा अन्य दललाई साझेदार बनाएर आफू नेतृत्वको सरकारलाई निरन्तरता दिने मुख्यमन्त्री पाण्डेको तयारी छ।