अन्तर्घात गर्नेमाथि छानविन गर्न समिति गठन

गत स्थानीय तह र प्रदेशसभा तथा प्रतिनिधिसभा सदस्यको निर्वाचनमा अन्तरघात र असहयोग भएको भन्दै नेपाली कांग्रेसले छानविन समिति गठन गरेको छ । नेपाली कांग्रेस सुनसरी क्षेत्र १ का क्षेत्रीय सभापति सुजेन्द्र तामाङको अध्यक्षतामा बसेको बैठकले छानविन समिति गठन गरेको हो ।

बैठकले निर्वाचन समीक्षा कार्यक्रमको प्रतिवेदन र स्थानीय पार्टी नेतृत्वहरुको रायअनुसार निर्वाचनमा पार्टीका आधिकारिक उम्मेदवारलाई असहयोग र अन्तरघात गर्नेहरुमाथि अनुशासनको कारवाही अघाडि बढाउन छानविन समिति गठन गरेको क्षेत्रीय सचिव एवम् प्रवक्ता केशव पुरीले बताए ।