रहरले होइन, बाध्यताले विदेशिनुपर्छ नर्सहरूलाई

चराहरूको मीठो चिरबिर मेरा कानमा गुन्जिएसँगै म ब्युँझिएँ । उठेर बार्दलीमा उभिएर हेर्दा मेरा आँखाले पुरानो भइसकेको खरको छानाबाट तप्प तप्प चुहिएका शीतका थोपाहरू देखे । आज आकाश धुमिल थियो । लाग्थ्यो, रातभरि आकाश रोयो होला । अनि, त्यसैको आँसु अहिले खसिरहेको होला ।

धुमिल आकाश हेर्दै गर्दा मलाई आफ्ना बाल्यकालका साथीभाइसँग गरेका कुराहरूको झलझलती याद आयो । हामी आपसमा कुरा गर्थ्यौँ, “आकाशमा तारा लागेको दिन भगवान्को घरमा बत्ती बल्छ । अनि, ताराहरू नदेखिएका दिन बत्ती बल्दैन ।”