डोटीमा कांग्रेसको चुनावी चहलपहल वृद्धि

डोटी । नेपाली कांग्रेसको १४औँ महाधिवेशनको मिति तय भएपछि जिल्लामा चुनावी चहलपहल बढेको छ ।

जिल्ला सभापतिका लागि आकाङ्क्षीहरुले खुलेर आफ्नो नाम सार्वजानिक नगरे पनि भित्रभित्रै कसरत भने शुरुआत गरिसकेको जनाइएको छ । कसरी समूहमा पर्ने, केन्द्रीय नेताको राय र सल्लाहअनुसार अगाडि बढ्ने भन्दै कसरत शुरु हुन थालेको छ । आगामी साउन १२ गते तोकिएको महाधिवेशनमा सात गाउँपालिका र दुई नगरपालिकासहित नौ स्थानीय तहमा रहेका करीब दुई हजार बढी क्रियासिल सदस्यले सहभागिता जनाउने पाउने कांग्रेस नेता पद्मराज जोशीले जानकारी दिए ।