बराबरीमा टुंगियो लिभरपुल र सिटीको भिडन्त

एनफिल्ड । प्रतिस्पर्धात्मक खेलमा लिभरपुल र म्यानचेस्टर सिटीले बराबरी खेलेपछि आर्सनल प्रिमियर लिगको शीर्ष स्थानमा कायम रहेको छ । आइतबार दुई उपाधि दाबेदारबिचको खेल १–१ को बराबरीमा टुङ्गिएको हो ।

खेलको २३ औँ मिनेटमा केभिन डी ब्रुयनाको पासमा जोन स्टोन्सले गोल गर्दै सिटीलाई अग्रता दिलाएका थिए । तर, दोस्रो हाफको सुरुवातमा नै लिभरपुलले पेनाल्टी पायो । त्यसलाई एलेक्सिस म्याक एलिस्टरले गोलमा परिणत गर्दै खेल बराबरी गरे । लिगमा उनले प्रहार गरेका १० मध्ये ९ पेनाल्टीलाई गोलमा परिणत गर्न सफल भएका छन् ।