अफगानिस्तानको अर्को सनसनिपूर्ण जित, पाकिस्तान ८ विकेटले पराजित

एकदिवसीय विश्वकप क्रिकेटको आफ्नो पाँचौं खेलमा अफगानिस्तानले अर्को सनसनिपूर्ण जित निकालेको छ। इंग्ल्यान्डलाई हराएर इतिहास रचेको अफगानिस्तानले इतिहासमै पहिलो पटक पाकिस्तानलाई पराजित गर्दै अर्को सनसनिपूर्ण जित निकालेको हो।

चेन्नईको एमए चिदम्बरम स्टेडियममा टस जितेर पहिले ब्याटिङ गरेको पाकिस्तानले निर्धारित ५० ओभरमा ७ विकेट गुमाएर २ सय ८२ रन बनाएको थियो। जवाफमा अफगानिस्तानले उक्त लक्ष्य ६ बल बाँकी हुँदै २ विकेट गुमाएर पुरा गर्दै सनसनिपूर्ण रुपमा ८ विकेटको जित निकालेको हो।