प्रधानमन्त्री बालेनले संसदमा बोलेको कुरा रणनीतिक हो : विनोज बस्न्यात

नर्वेले गरेको एउटा अध्ययन अनुसार दोस्रो विश्वयुद्धपछि पहिलो पटक विश्वमा सुरक्षा चुनौती बढेको छ । विश्वयुद्धपछि पहिलो पटक यति धेरै द्वन्द्व र नागरिकमाथि आक्रमण भइरहेको छ । विश्वमा ६५ ठाउँमा एकै पटक द्वन्द्व चर्किएको छ । २०२५ मामात्र दुई लाख ४५ हजार मानिसको मृत्यु द्वन्द्व तथा राजनीतिक हिंसाका कारणले भएको छ । त्यसबाट दक्षिण एसिया पनि अछुतो छैन ।

दक्षिण एसियाका देशहरू पनि राजनीतिक द्वन्द्वमा फसेका छन् । यी देशमाथि पश्चिमा देशहरूको नजर रहेको पाइन्छ । त्यसमा नेपाल पनि पर्छ । नेपालमा भएको पछिल्लो राजनीति परिवर्तनमा भूराजनीतिको भूमिका रहेको चर्चा बेलाबेला उठ्ने गरेको छ ।