राजनीतिक दल भन्दा पनि क्रान्तिकारी बालेन

काठमाडौं । काठमाडौं महानगरपालिकाका मेयर बालेन शाहले स्थानीय तहको निर्वाचनअघि काठमाडौंबासीसँग भोट माग्दै गर्दा मेयरले सीईओको काम गर्ने भएकाले आफू उम्मेदवार बनेको बताएका थिए ।

ठूला राजनीतिक दलहरुको गठबन्धनलाई समेत हराएर स्वतन्त्र उम्मेदवार शाह मेयरमा निर्वाचित भए । स्वतन्त्रबाट निर्वाचित शाह ठूला दलको घेराबन्दीका कारण काम गर्न नसक्ने विश्लेषण भइरहेका थिए । तर उनले राजनीतिक घेराबन्दीलाई तोडेर महानगरलाई समृद्ध बनाउने अभियान जारी राखे । पछिल्लो समय मेयर शाह राष्ट्रियताको मामिलामा पनि क्रान्तिकारी भएर निस्किएका छन् ।