पर्वतको बाच्छामा १ करोड मूल्यको काक्राको विउ उत्पादन हुने आंकलन

पर्वतको बाच्छा गाउँबाट यस वर्ष एक करोड मूल्य बढीको भक्तपुरे लोकल काक्राको बिउ उत्पादनको आंकलन गरिएको छ । विहादी गाउँपालिका वडा १ मा पर्ने बाच्छा गाउँका कृषकले वर्षेनी बिउ काक्राको व्यावसायिक खेती गर्दै आएका छन् ।

बाच्छाको सिर्जनशील कृषक समूहले यस वर्ष १ हजार ४ सय केजी काक्राको समूूहगत बिउ उत्पादन हुने आंकलन गरेको छ । कृषक समूहमा ३२ जना सदस्यहरु समावेश छन् । यो समूह भन्दा बाहेक पनि गाउँमा काक्राको विउ उत्पादनमा लागेका कृषकको संख्या उल्लेख्य छ ।