प्रधानमन्त्री बालेन र राष्ट्र बैंकका गभर्नर पौडेलबिच भेटवार्ता, के विषयमा भए छलफल ?

काठमाडौँ / प्रधानमन्त्री बालेन्द्र शाह (बालेन) र नेपाल राष्ट्र बैंकका गभर्नर डा. विश्व पौडेलबिच भेटवार्ता भएको छ । रास्वपा नेतृत्वमा सरकार गठन भएपछि पहिलो पटक सोमबार प्रधानमन्त्री शाह र गभर्नर पौडेलबीच भेटवार्ता भएको हो ।

गभर्नरका स्वकीय सचिव शरण कुमार अधिकारीले गभर्नर पौडेल र शाहबीच कुन विषयमा कुराकानीमा भएको भन्ने थाहा नभएको बताए ।

यद्यपि, उक्त भेटमा प्रधानमन्त्री शाहले बैंकिङ क्षेत्रमा देखिएको समस्या, रेमिट्यान्स आप्रवाह, वाह्य क्षेत्रमा देखिएको समस्याले अर्थतन्त्रमा पारेको प्रभाव, राष्ट्र बैंकको समस्या र त्यसका लागि सरकारले गर्नुपर्ने सहजीकरणबारे छलफल हुनसक्ने बताइएको छ ।

उक्त भेटमा प्रधानमन्त्री शाह र गभर्नर पौडेलबीच राष्ट्र बैंकमा रिक्त रहेको डेपुटी गभर्नर नियुक्तिबारे छलफल भएको स्रोतले जनाएको छ । राष्ट्र बैंकमा झन्डै एक महिनादेखि डेपुटी गभर्नर पद रिक्त रहेको छ । उक्त विषयमा भने प्रधानमन्त्रीले चासो नदेखाएको बताइएको छ ।

सम्बन्धित विषय:

# बालेन्द्र शाह

# बालेन