रानीसैनमाथि कब्जाको खेल: सुरक्षा चौकी रोक्न लाम्पाटामा हिंसात्मक हमला

बाजुरा।

बाजुराको हिमाली गाउँपालिका–३ लाम्पाटा, रानीसैन क्षेत्रमा सुरक्षा चौकी निर्माण तथा पर्यटन प्रवर्द्धन अभियान अघि बढिरहेका बेला भएको हिंसात्मक आक्रमणले सिंगो सुदूरपश्चिमलाई स्तब्ध बनाएको छ। हुम्लाबाट आएको भनिएको सयौं व्यक्तिको समूहले वडा सदस्यको घरमा प्रवेश गरी कुटपिट, लुटपाट र आतंक मच्चाएपछि चार स्थानीय तहले संयुक्त विज्ञप्ति जारी गर्दै घटनाको कडा भर्त्सना गरेका छन्। सामाजिक सञ्जालमा यतिवेला चर्को आलोचना भइरहेको छ ।