बाढीले पुल बगाएको हेवाखोलामा बेलिब्रिज राख्न थालियो 

पाँचथर — असार ३ गतेको बाढीले पुल बगाएको पाँचथरस्थित हेवाखोला दोभानमा बेलिब्रिज बनाउन थालिएको छ । सडक डिभिजन कार्यालय इलामले मंगलबारदेखि निर्माणको काम थालेको हो ।

हेवाखोला मेची राजमार्गको फिदिम ताप्लेजुङ सडकखण्डअन्तर्गत पाँचथरको फिदिम नगरपालिका र हिलिहाङ गाउँपालिका–७ को दोभानमा पर्छ । २०३९ सालमा निर्माण गरिएको पुल असार ३ गतेको बाढीले बगाएको थियो ।