नुनेज चम्किँदा लिभरपुलको सहज जीत

लिभरपुलले आफ्नो घरेलु मैदानमा साउथ ह्याम्पटनमाथि ३–१ को सहज जीत हासिल गरेको छ । ब्राजिलको विश्वकप टोलीमा पर्न असफल भएका रोबर्टो फर्मिन्होले शनिबार राति भएको खेलको छैटौँ मिनेटमा नै लिभरपुललाई अग्रता दिलाएका थिए ।

तर लगत्तै चे एडम्सले साउथह्याम्पटनलाई खेलमा फर्काए । २१ औँ मिनेटमा उरुग्वेका फरवार्ड डार्विन नुनेजले गोल गर्दै लिभरपुललाई पुनः अग्रता दिलाए । ४२ औँ मिनेटमा अर्को गोल थप्दे उनले टोलीको जीत सुनिश्चित गरे ।