क्याप्टेन कमलको पोस्टमार्टम पालो कुरिरहेका बुबा वीरेन्द्रसँग शिक्षण अस्पतालमा मधुरो संवाद

त्रिवि शिक्षण अस्पतालको परिसर। मंगलबार दिउँसो १ बजे। घुइँचोको बीचमा कालो ज्याकेट लगाएका एक वृद्ध बेलाबेलामा मधुरो स्वरमा बोल्थे, ‘म क्याप्टेन कमल केसीको बुबा।’

आइतबार पोखरामा यती एयरलाइन्सको ९ एन एएनसी एटीआर–७२–५०० विमान दुर्घटना हुँदा सिनियर क्याप्टेन कमलको मृत्यु भएको थियो। उनका बुबा वीरेन्द्र छोराको शव बुझ्नका लागि त्रिवि शिक्षण अस्पताल आएका थिए।