भ्रष्टाचार र सम्पत्ति शुद्धिकरण मुद्दामा सांसदको पद निलम्बन नहुने व्यवस्था, संसद नियमावली विवादमा

काठमाडौं । सार्वजनिक पद धारण गरेका व्यक्तिहरूमाथि भ्रष्टाचार वा सम्पत्ति शुद्धिकरणसम्बन्धी मुद्दा लागेमा पद स्वतः निलम्बन हुने कानुनी व्यवस्था भए पनि सांसदका हकमा भने सो व्यवस्था लागू नहुने गरी नयाँ संसदीय नियमावली पारित गरिएको छ।

हालै संसदले पारित गरेको नियमावलीअनुसार सांसदमाथि यस्ता मुद्दा लागे पनि उनीहरूको पद स्वतः निलम्बन नहुने व्यवस्था गरिएको छ। यस निर्णयपछि राजनीतिक वृत्तमा तीव्र बहस र आलोचना सुरु भएको छ।