लुम्बिनीको विजयी सुरुवात

कीर्तिपुर । सिद्धार्थ बैंक नेपाल प्रिमियर लिग (एनपीएल) क्रिकेटमा लुम्बिनी लायन्सले विजयी सुरुवात गरेको छ । बिहीबार चितवन राइनोजलाई ६ विकेटले हराउँदै लुम्बिनीले पहिलो जित दर्ता गरेको हो । चितवनले भने लगातार दोस्रो जित हासिल गर्ने मौका गुमाएको छ ।

पहिलो खेलमा कर्णाली याक्सलाई ४ विकेटले पराजित गरेको चितवनको दोस्रो संस्करणमा पहिलो हार हो । पहिलो सिजनमा खराब प्रर्दशन गर्दै मात्र एक खेल जितेको लुम्बिनीले त्यसबेला पनि चितवनलाई नै हराएको थियो । सोही इतिहास यसपटक पनि दोहो¥याउने क्रममा १ सय ४३ रनको लक्ष्य पछ्याएको लुम्बिनीले ४ विकेटको क्षतिमा १८ दशमलव ३ ओभरमै लक्ष्य भेट्टायो ।