बाढी प्रभावित यात्रुका लागि नेपाल एयरलाइन्सले टिकट निःशुल्क रिभ्यालिडेट गरिदिने

काठमाडौं। नेपाल वायुसेवा निगमले रसुवा बाढीका कारण प्रभावित भएका यात्रुहरूलाई लक्षित गर्दै हवाई टिकट निःशुल्क पुनः प्रमाणीकरण (रिभ्यालिडेट) गर्ने सुविधा उपलब्ध गराएको छ । निगमले बिहीबार एक सूचना जारी गर्दै बाढीका कारण यात्रामा अवरोध पुगेका यात्रुहरूका लागि यो सहुलियतको घोषणा गरेको हो ।

निगमका अनुसार सन् २०२६ अगस्ट २६ वा सोभन्दा अघि टिकट जारी गरेका र सन् २०२६ अगस्ट २६ देखि सेप्टेम्बर ५ सम्मको यात्रा तय गरेका यात्रुहरूले यो सुविधा प्राप्त गर्न सक्नेछन् ।