व्यापारी भट्टको राहदानी रोक्का

सम्पत्ति शुद्धीकरण अनुसन्धानका क्रममा व्यापारी दीपक भट्टको राहदानी रोक्का राखिएको छ। राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाहको नेतृत्वमा सरकार बनेलगत्तै विगतमा राजनीतिक पहुँच विस्तार गरी नीतिगत भ्रष्टाचारमा सहयोग पुग्ने काम गरी गैरकानुनी आयआर्जन गरेको आरोपमा उनको राहदानी रोक्का रािखएको हो।

राजनीतिक दलका नेता र सरकारसँगको पहुँच दुरुपयोग गरेर गैरकानुनी सम्पत्ति आर्जन गरेको आरोपमा छानबिन गर्न सरकारले व्यापारी भट्टको राहदानी रोक्का राखेको प्रधानमन्त्री कार्यालयका एक अधिकारीले बताए। ‘सम्पत्ति शुद्धीकरण विभागले गरेको आग्रहअनुसार अनुसन्धानका लागि भट्टको राहदानी रोक्का राखिएको हो,’ अध्यागमन विभागका एक अधिकारीले भने।