अमेरिकी पीआरबारे ढाँटेका विकल पौडेललाई थप ६ महिना कैद र १० हजार जरिवाना

काठमाडौं । विशेष अदालतले सुरक्षण मुद्रण केन्द्रको कार्यकारी निर्देशकबाट बर्खास्तीमा परेका विकल पौडेलले अमेरिकी स्थायी आवासीय अनुमतिपत्र (पीआर)बारे ढाँटेर सरकारी पदको लाभ लिएको ठहर गरेको छ । विशेष अदालतले उनलाई ६ महिना कैद र १० हजार जरिवानाको फैसला सुनाएको छ ।

यसअघि, गत मंगलबारमात्रै विशेष अदालतले पौडेललाई सुरक्षण मुद्रण केन्द्रबाट अन्त:शुल्क स्टिकर छपाइ मुद्दामा दोषी ठहर गर्दै दुई वर्ष कैद सजाय सुनाएको थियो । पौडेलले २५ करोड ४७ लाख भ्रष्टाचार गरेको ठहरसहित त्यति नै जरिवाना असुल्ने फैसला भएको थियो ।