बाबुरामले मनाए ७ वर्षअघि विघटित नयाँ शक्ति पार्टीको स्थापना दिवस

काठमाडौं । पूर्वप्रधानमन्त्री डा. बाबुराम भट्टराई समूहले विघटित नयाँ शक्ति पार्टीको स्थापना दिवस मनाएको छ । शनिवार प्रज्ञा प्रतिष्ठान, कमलादीको पारिजात हलमा ‘वैकल्पिक राजनीतिको समीक्षा र भावी कार्यदिशा’ प्रवचन कार्यक्रम आयोजना गर्दै १० वर्षको अघिको पार्टी स्थापना स्मरण गरियो ।

२०७३ जेठ ३० गते दशरथ रंगशालामा ठूलो भिडभाड र तामझामका साथ नयाँ शक्ति पार्टी स्थापना भएको थियो । तर, स्थापनापछिको पहिलो निर्वाचनमै पार्टीले शर्मनाक पराजय व्यहोरेपछि नयाँ शक्तिमा एकीकृत भएको पंक्ति तितरबितर हुँदै गएको थियो ।