सर्पदंशको चपेटामा कैलाली : गर्मीसँगै घरसम्म आइपुग्छ मृत्युको खतरा

कैलाली । कैलालीको गौरीगङ्गा नगरपालिका–७ महुलियाकी ७२ वर्षिया रीजु घर्तीमगर दुई नातिनीहरूसँग बस्दै आएकी थिइन्। २०८१ भदौ ९ गते राति पाँच वर्षिया लीजा र छ वर्षिया काजललाई सर्पले टोकेपछि दुवैको मृत्यु भयो ।

बालिकाका बुबाको पहिले नै निधन भइसकेको थियो भने आमा रोजगारीका लागि जिल्ला बाहिर थिइन् । सोही रात ओछ्यानमै सुतेका तीनैजनालाई सर्पले टोकेको थियो । हजुरआमा बाँच्न सफल भइन् तर दुवै नातिनीलाई बचाउन सकिएन ।