इरानले तेहरानमा ‘रक्षात्मक’ सुरुङ निर्माण गर्दै

इरानले राजधानी तेहरानको मेट्रो नेटवर्कभित्र आफ्नो पहिलो ‘रक्षात्मक’ सुरुङ निर्माण गरिरहेको सरकारी सञ्चारमाध्यमहरूले मङ्गलबार रिपोर्ट गरेका छन् । तर उनीहरूले रक्षा उपायहरू के हुन् भनेर विस्तृत रूपमा प्रकाश पारेका छैनन् ।

“देशमा पहिलोपटक तेहरानमा रक्षात्मक क्षमतासहितको सुरुङ निर्माण भइरहेको छ”, सिटी काउन्सिल ट्रान्सपोर्ट कमिसनका प्रमुख जाफर तासाकोरीलाई आधिकारिक इरना समाचार एजेन्सीले उद्धृत गर्दै भनेको छ, “यो सुरुङले ‘द डिफेन्डर्स अफ हेल्थ’ र ‘इमाम खोमेनी अस्पताल’ मेट्रो स्टेसनहरू बीचको बाटो पछ्याउँछ, र यस मेडिकल सेन्टरमा सिधा सुरुङ पहुँच प्रदान गर्दछ ।”