पशुपति क्षेत्रको संस्कृतिमा असर पर्ने निर्णय तत्काल सच्याउन गगन थापा माग

काठमाडौँ । नेपाली काङ्ग्रेसका सभापति गगनकुमार थापाले पशुपति क्षेत्रको धर्म, संस्कृति र परम्परामा प्रतिकूल असर पर्ने गरी सरकारले गरेका निर्णयहरू तत्काल सच्याउन माग गरेका छन्। स्थानीय संवेदनशीलता र मौलिकतालाई बेवास्ता गरी गरिएका निर्णयहरूले दीर्घकालीन सङ्कट निम्त्याउन सक्ने भन्दै उनले सरकारको गम्भीर ध्यानाकर्षण गराए।

शनिबार काठमाडौँमा आयोजित एक कार्यक्रममा बोल्दै सभापति थापाले पशुपति क्षेत्रका जात्रा, पर्व र ऐतिहासिक बस्तीहरूको आफ्नै विशिष्ट महत्त्व रहेको उल्लेख गर्दै सिंहदरबारबाट गरिने हचुवा निर्णयहरूले यहाँको संवेदनशीलतालाई सम्बोधन गर्न नसक्ने बताए।