मलेशियामा गएको पहिरोमा २१ जनाको ज्यान गयो, उद्धारको काम जारी

मलेशियाको सेलाङ्गोर राज्यस्थित एउटा पर्वतीय क्षेत्रमा पहिरो जाँदा बालबालिकासहित २१ जनाको ज्यान गएको छ । त्यहाँका अधिकारीहरूका अनुसार उनीहरू त्यहाँ बिदा मनाउन गएकाबेला पहिरो भएको थियो ।

बताङ काली नगरअन्तर्गत पर्ने सो स्थानमा स्थानीय समयानुसार शुक्रवार बिहान ३ बजे पहिरो गएको थियो । त्यतिबेला छुट्टी मनाउन गएका मानिसहरू पालभित्र सुतिरहेकाबेला पहिरो जाँदा पुरिएका थिए ।