गर्मीमा क्यानोनिङको मज्जा

नुवाकोट । आजभोलि मानिसहरू साहसिक खेल खेल्न उत्साहित हुन्छन् । यसमध्ये नेपालमा क्यानोनिङले पनि बिस्तारै स्थान पाउन थालेको छ ।

क्यानोनिङ डोरीको सहयोगमा तुर्लुङ्ग झुन्डिएर झरनामा भिज्दै, छाँगामा चिप्लिँदै र दहमा पौडिँदै खेलिने साहसिक खेल हो। यसका लागि झरनाको शिरमा एंकर गाडिन्छ, त्यसमा डोरी अड्काइन्छ। गाइडको निर्देशनमा त्यही डोरी समातेर पानीमा रुझ्दै तल झर्नुपर्छ। नेपालमा झरनामा खेल अभ्यास हुन थालेपछि क्यानोनिङलाई नेपालीमा ‘छाँगावरोहण’ पनि भनिन्छ ।