मुख्य सामग्रीमा जानुहोस्

समाचार

खेलकुद

संकटाद्वारा पुलिस पराजित, जावलाखेल र ब्रिगेड ब्वाईज गोलरहित बराबरीमा

saralpatrika.com · Mon Dec 13 17:52:00 GMT 2021

काठमाडौँ । सहिद स्मारक ए डिभिजन लिगअन्तर्गत सोमबार भएको खेलमा संकटा क्लबले नेपाल पुलिसलाई १–० गोलले पराजित गरेको छ । दशरथ रङ्गशाला भएको खेलमा संकटाका लागि निरज बस्नेतले १८औं मिनेटमा निर्णायक गोल गरे। लक्ष्मण रुमालको कर्नरमा निरजले डाइभिङ हेडबाट गोल गरेका हुन् ।

लगातारको आक्रमणपछि संकटाले अग्रता लिएको हो । अहिले चलिरहेको लिगको समग्रमा यो ५०औं गोल हो । निरजको भने यो व्यक्तिगत तेस्रो गोल हो । यस जितपछि संकटाको आठ अंक भएको छ । पुलिस भने ५ अंकमै सीमित रह्यो । पुलिसको यो पहिलो हार हो । यससँगै पुलिसको अपराजित यात्रा टुंगिएको छ ।

स्रोतमा पूरा पढ्नुहोस् (saralpatrika.com)