सिटीको शतप्रतिशत विजयी यात्रामा विश्राम

लन्डन, (एजेन्सी) । प्रिमियर लिगअन्तर्गत शनिबार भएको खेलमा अप्रत्यासित रुपमा म्यानचेस्टर सिटीले हार बेहो¥यो । सिटीलाई वोल्भस्ले २–१ ले स्तब्ध तुल्याएको हो । यो हारसँगै सिटीको यस सिजनको लिगमा शत प्रतिशत विजयी यात्रामा पनि विश्राम लाग्यो । सिटीले शुरुवाती लगातार ६ खेल जितेको थियो । तर, सातौं खेलमा पराजित भए पनि सिटी अंकतालिकामा १८ अंकसहित शीर्ष स्थानमै रहेको छ ।

तर, यसपछि भएको खेलमा लिभरपुलको लागि शीर्ष स्थानमा आउने मौका थियो । तर, यो मौका लिभरपुलले लिन सकेन । लिभरपुललाई टोटनहामले २–१ ले पराजित गरेको थियो । लिभरपुलको यस खेल अघि १६ अंक थियो । लिभरपुलको लागि यो खेल जितेर १९ अंक लिएर शीर्ष स्थानमा आउने मौका थियो । तर, लिभरपुलले पुरै तीन अंक गुमाउँदा चौथो स्थानमा रह्यो ।