पठाओ नेपालको प्रबन्ध निर्देशकमा यशु थकाली नियुक्त

काठमाडौँ । पठाओ नेपाल प्रा. लि. ले कम्पनीको प्रबन्ध निर्देशक (एमडी) पदमा यशु थकालीलाई नियुक्त गरेको छ । थकाली विगत आठ वर्षदेखि पठाओ नेपालमा आबद्ध छन् ।

कम्पनी स्थापना हुँदाको समयदेखि नै टिम सदस्य रहेका थकालीले नेपाल र बंगलादेशमा समेत पठाओको राइड तथा फूड डेलिभरी व्यवसाय विस्तारमा महत्त्वपूर्ण भूमिका निर्वाह गरेको कम्पनीले जनाएको छ । उनी हाल पठाओ ग्रुपमा वरिष्ठ उपाध्यक्षको जिम्मेवारीमा समेत छन् ।