इंग्लिस प्रिमियर लिग : ७ गोलको रोमाञ्चक खेलमा युनाइटेड विजयी

काठमाडौँ — कोबी माइनुले दोस्रो हाफको इन्ज्युरी समयको सातौं मिनेटमा गरेको गोलमा म्यानचेस्टर युनाइटेडले बिहीबार इंग्लिस प्रिमियर लिगमा उल्भ्सलाई ४–३ ले हराएको छ ।

सात गोलको रोमाञ्चक खेल जितेपछि युनाइटेड अंक तालिकाको सातौं स्थानमा उक्लेको छ । उसको २२ खेलबाट ३५ अंक भयो । उल्भ्स भने २९ अंकमा ११ औं स्थानमा छ । युनाइटेडले सुरुमै २–० को अग्रता लिएको थियो । खेल सकिन पाँच मिनेट अगाडिसम्म युनाइटेड ३–१ ले अगाडि थियो ।