कांग्रेसमा तोडियो संस्थापन र इतर समूहबीचको संवादहीनता

नेपाली कांग्रेसमा संस्थापन र इतर समूहबीच संवादको ढोका खुलेको छ। संस्थापन पक्षका महामन्त्री गुरुराज घिमिरेले शुक्रबार इतर समूहमध्ये नेता शेखर कोइरालासँग भेट गरेर औपचारिक वार्ता सुरु गरेका हुन्। आज (शुक्रबार) विराटनगरस्थित कोइरालाको निवासमै पुगेर घिमिरेले उनीसँग संवाद गरे।

व्यक्तिगत कामको सिलसिलामा भारत गएर फर्केपछि आफूले कोइरालासँग औपचारिक छलफल थालेको घिमिरे बताउँछन्। “भारत जानुअघि पनि भेटेको थिएँ, फर्केपछिको भेट सकारात्मक दिशामा अघि बढेको छ,” घिमिरे भन्छन्।