चिसोसँग कठोर संघर्ष

तराई–मधेसमा शीतलहरसँगै कठ्यांग्रिँदो जाडोले जनजीवन प्रभावित बनेको छ, अहिलेसम्म पाँचजनाले त ज्यान नै गुमाइसकेका छन् । सप्तरीमा कैयौँ दलित परिवारको चुलो बल्न छाडेको छ, रौतहटका मुसहर समुदाय पराल ओछ्याएर सुत्न विवश छ । त्रिपालमुनि रहेका कैलालीका बाढीपीडित चिसोसँग संघर्षरत छन् ।

रौतहटको चन्द्रपुर नगरपालिका– ९ डुमरियाकी शान्ति देवीले चिसोबाट जोगाउन परालको ओछ्यानमाथि सुताएको शिशु । यहाँका ९५ परिवार मुसहर पराल ओछ्याएर सुत्न विवश छन् । दिनभरि ज्याला–मजदुरी गरेर दुई छाकको जोहो गर्ने उनीहरू चिसो बढेपछि काममा समेत जान सकेका छैनन् । तस्बिर : नयाँ पत्रिका