कांग्रेसभित्रको वैचारिक संकट

नेपाली कांग्रेस नेपालको राजनीतिक तथा लोकतान्त्रिक संघर्षको इतिहासमा एउटा विरासत बोकेको पुरानो पार्टी हो । २००७ सालको जनक्रान्तिदेखि २०४६ को बहुदलीय प्रजातन्त्र पुनःस्थापना हुँदै दोस्रो जनआन्दोलन र त्यसको उपलब्धिलाई संस्थागत गर्ने दिशामा पनि नेपाली कांग्रेसको महत्वपूर्ण योगदान र भूमिका रहेको छ ।

आन्दोलनको नेतृत्व गर्ने, त्यसलाई संविधान निर्माणमार्फत् सुनिश्चित गर्नेदेखि लिएर लामो समयसम्म सत्ताको बागडोर सम्हाल्ने, सत्ताराजनीतिको महत्वपूर्ण हिस्सा बने पनि पार्टीले औपचारिक रूपमा स्वीकार गरेको राष्ट्रियता, लोकतन्त्र र समाजवादको विचारबाट निर्देशित भई देश र जनताले भोग्नुपरिरहेको सकस, सामाजिक न्याय र परिवर्तन एजेन्डा स्थापित र त्यसको कार्यान्वयनमा कहिले अग्रसरता देखाएको छैन ।