मच्छिन्द्रलाई विराट गोल्डकपको उपाधि

विराटनगर । आठौँ संस्करणको विराट गोल्ड कपको उपाधि मच्छिन्द्र एफसी काठमाडौँले जितेको छ । विराटनगरको सहिद मैदानमा शनिबार राति सम्पन्न भएको फाइनलमा घरेलु टिम साङ्ग्रिला मोरङ एफएलाई २–० गोलले हराउँदै मच्छिन्द्रले उपाधि जितेको हो ।

उपाधिसँगै मच्छिन्द्रले नगद ११ लाख रुपैयाँ पुरस्कार पाएको छ । उपबिजेता बनेको घरेलु टिम साङ्ग्रिलाले ५ लाख ५० हजार रुपैयाँमा चित्त बुझायो । विराट गोल्ड कपको नयाँ च्याम्पियन बनेर मच्छिन्द्रले इतिहास रचेको छ ।