बनेन राष्ट्रिय पार्टी, के हुन्छ एकीकृत समाजवादीका १० सांसदको हैसियत?

डेढ वर्षअघि (२०७८ साउन ९) नेकपा एमालेबाट विद्रोह गरेर बनेको नेकपा एकीकृत समाजवादी पार्टीले ४ मंसिरको चुनावमा प्रत्यक्षतर्फ १० सांसद जिते पनि समानुपातिकतर्फ ‘थ्रेस होल्ड’ कटाउन सकेन। जसका कारण उसले राष्ट्रिय पार्टीको मान्यता पाएन।

२ लाख ९८ हजार ३ सय ९१ मत पाएको सो पार्टीले जम्मा २० हजार मत अपुग हुँदा राष्ट्रिय पार्टीको मान्यता त पाएन नै, ४ जना सांसद पनि जित्न सकेन। राष्ट्रिय दल नै नभएपछि प्रत्यक्षमा जितेका सांसदको हैसियत के हुने भन्नेबारे अनेक तर्क भइरहेका छन्।