थप ३०४ सहकारीपीडितले फिर्ता पाए बचत

काठमाडौं । सरकारले समस्याग्रस्त सहकारीका थप ३०४ साना बचतकर्ताको रकम फिर्ता गरेको छ । समस्याग्रस्त सहकारी व्यवस्थापन समितिले बुधबार कृषि सहकारी र शिवशिखर बहुउद्देश्यीय सहकारीका साना बचतकर्ताको बचत फिर्ता गरेको हो ।

समितिका अनुसार, बुधबार कृषि सहकारीका ८८ जना र शिवशिखर बहुउद्देश्यीय सहकारीका थप २१६ बचतकर्ताले बचत फिर्ता पाएका हुन् । यसअघि समितिले कान्तिपुर सहकारीका २१५, शिवशिखर बहुउद्देश्यीय सहकारीका १५६ जना र पशुपति सहकारीका सात गरी ३७८ जना साना बचतकर्ताको रकम फिर्ता गरेको थियो ।