पोल्याण्डलाई हराउँदै अर्जेन्टिना विश्वकप नकआउट चरणमा

अर्जेन्टिना कतारमा जारी फिफा विश्वकप २०२२ को अन्तिम १६ मा प्रवेश गरेको छ । गएराति समूह ‘सी’ अन्तर्गतको अन्तिम खेलमा पोल्याण्डलाई २–० ले हराउँदै अर्जेन्टिना अन्तिम १६ मा प्रवेश गरेको हो ।

अर्जेन्टिनाले दुवै गोल दोस्रो हाफमा गर्‍यो । खेलको ४६ मिनेटमा अर्जेन्टिनाले अग्रता लियो । मोलिनाको पासमा अलिस्टारले गोल गर्दै अर्जेन्टिनालाई अग्रता दिलाए । ६७ औं मिनेटमा अर्जेन्टिनाले अग्रता दोब्बर पार्‍यो । फर्नान्डेजको पासमा अल्भारेजले डिबक्सभित्रबाट उत्कृष्ट फिनिसिङ गर्दा अर्जेन्टिना २–० गोलले अघि बढेको थियो ।