दोलखामा वर्षासँगै हिमपात

दोलखा — दोलखाको तल्लो क्षेत्रमा आइबार वर्षा र माथिल्लो क्षेत्रमा हिमपात भएको छ । जिल्लामा ६ महिनापछि हावाहुरीसहित हिउँदे वर्षा भएको हो । यस्तै माथिल्लो क्षेत्रमा हिमपात भएको छ ।

वर्षाले गहुँबालीमा सिँचाइ पुग्ने भन्दै किसान खुसी भएका छन् । गहुँबाली खडेरीले डढ्न थालेको थियो । माथिल्लो क्षेत्रमा किसानले आलु उमार्न पाएका थिएनन् । वर्षाले आलु बालीलाई पनि राहत हुने भएको छ ।