नारी स्रष्टा समाजद्वारा साहित्यकारहरू सम्मानित 

काठमाडौं । विराटनगरमा स्थापित नारी स्रष्टा समाजले काठमाडौंमा कार्यक्रम आयोजन गर्दै साहित्यका विभिन्न क्षेत्रमा क्रियाशील सर्जकहरूलाई सम्मानित गरेको छ ।

बिहीबार आयोजित कार्यक्रममा समाजले ‘मोहनलता विशिष्ट स्रष्टा सम्मान’ साहित्यकार तुलसीहरि कोइराला, ‘कविराज स्रष्टा सम्मान’ साहित्यकार भीष्म उप्रेती र ‘हेमलता स्रष्टा सम्मान’ साहित्यकार विनोद नेपाललाई समर्पण गरेको छ । पुरस्कारकासाथ कोइरालालाई १५ हजार नगदराशि प्रदान गरियो भने उप्रेती र नेपाललाई ११/११ हजार नगदराशि प्रदान गरियो ।