आईपीएलः समीर रिजवीको उत्कृष्ट प्रदर्शनमा लखनउलाई हराउँदै दिल्लीले खोल्यो जितको खाता

काठमाडौँ । इन्डियन प्रिमियर लिग (आईपीएल) २०२६ मा दिल्ली क्यापिटल्सले सिजनको पहिलो जित दर्ता गरेको छ । बुधबार भएको खेलमा दिल्लीले लखनउ सुपर जायन्ट्सलाई ६ विकेटले पराजित गर्दै जितको खाता खोलेको हो ।

लखनउले दिएको १४२ रनको सामान्य लक्ष्य दिल्लीले १७ बल बाँकी रहँदै १७.१ ओभरमा ४ विकेट गुमाएर पूरा गर्‍यो । दिल्लीको जितमा समीर रिजवीले अविजित रहँदै सर्वाधिक ७० रनको उत्कृष्ट पारी खेले । उनले ४७ बलको सामना गरे । उनलाई ट्रिस्टन स्टब्सले ३२ बलमा अविजित ३९ रन बनाउँदै साथ दिए ।