जग्गा रोक्का सहजीकरण गरिदिने भन्दै घुस लिएको आरोपमा नायव सुब्बा नियन्त्रणमा

अख्तियार दुरुपयोग अनुसन्धान आयोगले भूमी प्रशासन कार्यालय, मनाङमा कार्यरत नायव सुब्बा ज्ञानराज कण्डेललाई घुस लिएको आरोपमा पक्राउ गरेको छ।

सेवाग्राहीसँग जग्गा रोक्का गर्ने काममा सहजीकरण गरिदिने भन्दै घुस माग गरेको भन्ने सूचना तथा उजुरीका आधारमा अख्तियार दुरुपयोग अनुसन्धान आयोगको कार्यालय, पोखराबाट खटिएको टोलीले उनलाई पक्राउ गरेको हो।