मुख्य सामग्रीमा जानुहोस्

समाचार

Diaspora

नागरिकको उद्धार समयमै गर

rajdhanidaily.com · Tue Aug 17 23:36:18 GMT 2021

काबुलमा तालिबानीहरूको पुनरागमनपछि संकटमा फसेका नेपाली नागरिकलाई सरकारले उद्धार गर्ने निर्णय गरेको छ । अब सो निर्णयसँगै सरकारले जतिसक्दो चाँडो काबुलमा अलपत्र परेका नेपालीको उद्धार गर्नुपर्छ । वैदेशिक रोजगारका क्रममा विदेशी भूमिमा सधैं अलपत्र पर्ने नेपालीको काबुलबाट उद्धार हुँदै छ भन्ने सुन्दा नागरिकमा केही खुसी छाएको छ र सरकारप्रति केही भरोसा पनि बढेको छ ।

काबुल अहिले संकटको अवस्थामा छ । राष्ट्रपति असरफ घानीको बहिर्गमनसँगै तालिबानको सरकार स्थापना भएको छ । तत्कालीन सरकारका पालामा गएका विदेशी नागरिक तालिबानविरुद्ध प्रयोग भएको हुन सक्ने आशंकामा तालिबानले बदला भाव साँचेको हुन सक्छन् भन्ने सहज आशंका जोकोहीमा पनि छ । यसै कारण पनि काबुलस्थित नेपाली स्वदेश फिर्तीका लागि नेपाल सरकारसँग हारगुहार गरिरहेका छन् । संकटमा रहेको काबुलको राजनीति शान्तिपूर्णसत्ता अदलबदलसँगै अझै अस्थिर र दुविधामा रहेको छ । काबुलस्थित नेपालीको उद्धारका लागि आवाज उठेपछि सरकारले वैदेशिक रोजगारका लागि काबुल पठाउने म्यानपावर कम्पनीसँग सोधपुछ र परामर्श लिई उनीहरूको शीघ्र उद्धार गरी सकुशल घरघर पठाउने वचन पनि दिइसकेको छ । तर, सोहीअनुसार सरकारमा एक्सनमा उत्रन सकेको छैन ।

स्रोतमा पूरा पढ्नुहोस् (rajdhanidaily.com)